Haldinn var fundur á vegum Skógræktarfélags Íslands 23. mars, 2010. Jón Guðmundsson, Akranesi, var fyrirlesari kvöldsins. Ljómandi skemmtilegt kvöld og afar fræðandi fyrirlestur, örvandi og hvetjandi. Ávaxtatré geta lifað á Íslandi, en aðalatriði er að velja réttu yrkin og fara rétt og vel með þau. Þá eru þau yndi augna, nefs og ávextirnir fara í glaðan munn og maga. Jón minnir á að það eru yfir níutíu ár síðan epli þroskuðust fyrst á Íslandi. Áfram…
Hvað var í kringum þig, var þitt nærsamhengi, þegar þú varst fóstur í móðurkviði? Það var vatn. Þú svamlaðir og fórst kollhnísa í legvökva. Hátíðnihljóðin, sem bárust eyrum þínum alla daga, voru frá hinu hraða rennsli blóðsins, vökvans, í æðum móður þinnar og í takti við slátt hjartans sem dældi. Svo þegar legvatnið fór var ekki lengur hægt að lifa inní mömmu – þá fæddist þú. Síðan varstu baðaður eða lauguð í vatni. Móðurmjólkin var að mestu vatn. Þú varst og ert vatnssósa. Svo héldu elskuarmar á þér við skírnarlaug. Áfram…
Snjóbolti flaug og lenti beint í höfðinu á stelpu úr húsinu hinum megin götunnar. Hún veinaði og beygði sig svo niður. Svei mér ef hún hafði ekki meitt sig. Skotmaðurinn fylgdist með þegar grátur afmyndaði andlit stúlkunnar og líkama. Ópin bárust milli húsa. Þá hljóp ég í hvarf og íhugaði vandann. Mér fannst leitt ef hún hefði skaðast. Það var ekki tilgangurinn. Jæja, það varð að hafa það, hún hlaut að jafna sig. Svo var haldið til annarra markskota í öðru samhengi.
Mamma tók á móti mér þegar ég kom heim. Hún var alvarleg í bragði, eitthvað hafði komið fyrir. “Sestu niður, vinur,” sagði hún. Áfram…
Ég býð mig fram til þjónustu á kirkjuþingi. Þjóðkirkjan er á tímamótum og verkefni kirkjuþings því mikilvæg og heillandi þjónustumál. Mér sýnist menntun mín og fyrri störf geti nýst til gagns á þeim vettvangi. Ég er nú varamaður á kirkjuþingi. Hér að neðan er málaskrá mín eða þau atriði sem ég hyggst beita mér fyrir og vinna að.
Val á starfsmönnum kirkjunnar
Auka þarf fagmennsku og skilvirkni í ráðningarferli. Huga þarf að heildarþörfum kirkjunnar og hagsmunum sóknarfólks, umsækjenda og vinnuveitenda. Núverandi kerfi þarf að endurskoða og má bæta. Brýnt er að bæta mannauðsstjórn á vegum kirkjunnar. Jafnvel er vænlegt að færa starfsmannamál undir kirkjuráð. Vandkvæði vegna agabrota í kirkjunni og afbrotamála knýja á nýhugsun. Áfram…
“Nú mega allir krakkar sem eru fjögurra ára koma fram að altarinu” sagði presturinn. Í kirkjunni spruttu þau á fætur og með þeim gengu fram mömmur, pabbar eða afar og ömmur. Eldri kynslóðin stóð til hliðar altarinu en börnin settust við skírnarfontinn þar sem fimm börn höfðu verið skírð í byrjun athafnar. Áfram…
Að undanförnu höfum við orðið vör við höft og hindranir af ýmsu tagi. Til dæmis kvarta margir sáran undan gjaldeyrishöftunum. Í umróti síðustu mánaða er þó eitt haft sem hefur rofnað hjá fjölda fólks. Það er tunguhaftið. Áfram…
Hér á eftir er fjórða grein okkar áttmenninga, guðfræðinga, sem túlka viðfangsefni í ljósi kreppunnar á Íslandi. Greinarnar hafa birst undanfarna sunnudaga í Morgunblaðinu. Áfram…
Atburðir síðustu mánaða hafa sýnt að ranglæti hefur viðgengist á Íslandi. Um það ranglæti höfum við fjallað í tveimur greinum á þessum vettvangi að undanförnu. Einstaklingar og stofnanir hafa valdið eða stuðlað að óréttlæti. Hvernig eigum við, þjóðin, að bregðast við? Áfram…
Sársauki hefur hríslast um íslenskt samfélag síðustu vikur og mánuði, sársauki brostinna vona. Kvíði og ótti hefur seytlað inn hjá ungum jafnt sem öldnum. Í ævintýraheimi barnanna verður kreppan að ófreskju. Áfram…
Þjóðkirkjan hefur notað fjóra liti, grænan, hvítan, rauðan og fjólubláan í helgihaldi sínu síðustu áratugi. Litanotkun er þó að breytast og verða ríkulegri. Áhrif frá erlendum kirkjum eru skýr. Hér er ofurlítið yfirlit þeirra lita sem notaðir eru í stærstu kirkjudeildum kristninnar. Þeir eiga sér ekki allir hefð eða notkun í íslensku þjóðkirkjunni. Áfram…
Í lífinu förum við einatt í spíral, sem er gott og betra en að hringsóla! Eftir langferð í vinnu, búsetu eða einkalífi leitum við oft til “baka” í einhverjum skilningi. Ég kom eftir stóra hringferð á minn reit og lenti í bæ afa og ömmu með mitt fólk. Benskuminningar og búsetubrot setti ég niður að beiðni Vesturbæjarblaðsins sem birti í októberblaði 2007. Áfram…
Mér var falið að flytja stutt erindi, 10 mínútna langt, um kennimennsku Sigurbjörn Einarsson. Tilefnið var orðlistadagur Grafarvogskirkju, sem vonast er til að verði árlegur viðburður. Viðfangsefni var orðlist Sigurbjörns. Erindið, eiginlega örerindi (!) fer hér á eftir. Áfram…
Það hefur löngum blásið um Sigurbjörn Einarsson, biskup. Í gær var haldin hátíð til heiðurs þessum jöfri andlegra orðlista á tuttugustu öld. Það var eiginlega við hæfi að gert hefði byl og allt væri á kafi í snjó. Áfram…
Tími Matta er kominn! Þórunn E. Valdimarsdóttir hefur skrifað stórbók um Matthías Jochumsson. Hann var risi í menningarlífi Íslendinga, skemmtilega frakkur guðfræðingur og eitt besta sálmaskáld þjóðarinnar bæði fyrr og síðar. Áfram…
Sjö prestar hafa starfað í þágu Nessafnaðar í nær fimmtíu ára sögu safnaðarins í vesturbæ Reykjavíkur. Sr. Halldór Reynisson var fimmti Neskirkjupresturinn og þjónaði söfnuðinum í sex ár, frá 1995. Hann stýrir nú fræðslusviði á Biskupsstofu. Sunnudaginn 18. júní prédikar sr. Halldór í Neskirkju og þjónar fyrir altari. Áfram…
