sigurðurárni.annáll.is

Miðlun á vefnum er mikilvæg fyrir alla, kjörmenn, kirkjuvini og líka biskupsefni. Því var stuðningsvefurinn www.sigurdurarni.is gerður. Það tók ekki nema tvo daga að vinna grunn vefsins, enda máttarfólk að baki. Og margir vildu skrifa. Svo var vefurinn opnaður síðdegis mánudaginn 23. janúar. Til hliðar urðu til fálmarar og tól á facebook, twitter, youtube, myndhlaða á Flickr og auðvitað netföng og annað sem er hluti heimasíðu. Áfram…

Ég býð mig fram til biskupsþjónustu. Framtíðarkirkjan er mér efst í huga og ég mun beita mér fyrir breytingum og eflingu þjóðkirkjunnar.

Ég hef víðtæka reynslu á öllum sviðum kirkjustarfs og hef verið virkur í umræðu um samfélags- og kirkjumál. Ég hef verið prestur bæði á landsbyggðinni og í Reykjavík. Ég hef stundað nám í guðfræði á Íslandi, Noregi og Bandaríkjunum.

Helstu stefnumál mín um framtíðarkirkjuna eru að baki áframsmellunni. Áfram…

Kirkjur Íslendinga eru flottar og margar gríðarleg steinkeröld. Þeim er þörf anda, hins guðlega anda. Af sjálfri sér og brjóstviti sínu er kirkjustofnun ekkert annað en smáveisla, sem þarf kraftaverk til að umbreyta í veislu himinsins. Prédikun mín á 2. sunnudgi eftir þrettánda, 15. janúar 2012, er að baki þessari smellu, bæði texti og hljóðskrá. Þú getur lesið eða hlustað, en auðvitað bæði lesið og líka hlustað samtímis.

Guð þorir. Í djúpi kristninnar er boðskapur um að Guð tekur upp á hinu óvænta og leggur sig í hættu vegna lífsins. Kristin trú er ekki átrúnaður hins læsta heimskerfis. Guð er hefur áhuga á að skapa líf en ekki kerfi. Þú mátt lifa í þeim anda, hugsa hættulegar hugsanir og þora. Má bjóða þér hamingjutíma? Prédikun  á nýársdegi, 2012, er að baki smellunni.

Bönnum lausagöngu karltrölla í almannarýminu. Skoðum manndóm og karlmennsku Jósefs. Hann var ekki maður með allt vitið útvortis í vöðvum, heldur vitur maður sem þorði. Prédikun Sigurðar Árna á 2. jóladag 2011 er að baki þessari smellu.

Stærsta lífsgjöfin er: “Ég elska þig.” Guð elskar – tjáir þér alltaf, á öllum stundum lífsins, á álagstundum, á hátíðum, með börnum, í makafangi og alls staðar: “Ég elska þig. Mig langar til að vera þinn og langar til að þú sért mín og minn.” Til þín – Frá þeim sem elskar þig. Prédikun í Neskirkju kl. 18 á aðfangadag er að baki þessari smellu.

Jólasveinarnir koma í röðum þessa dagana. Þeir tjá svo sannarlega eftirtekarverðan boðskap. Svo er Jóhannes skírari til íhugunar á fjórða sunnudegi í aðventu. Hvað eiga jólasveinar, Jóhannes og við sameiginlegt? Spurninguna: Hver ert þú? Og við megum gjarnan reyna að svara. Prédikun mín, 18. desember, 2011, sem var 4. sunnudagur í aðventu er að baki þessari smellu.

Hvað sleit þér mest í tengslum við ástvini þína, foreldra, börn, maka, vini? Hvað hafði dýpst og sterkust áhrif á tilfinningar þínar og líðan? Hver er krísan – hver er lausnin? Prédikun í Neskirkju síðasta sunnudag kirkjuársins, 21. nóvember 2011, er að baki smellunni.

Jesús sagði ekki að við ættum að ganga um og safna nammi, heldur væri hlutverk okkar að verða krydd, selta veraldar. Hann sagði ekki að við ættum setja ljósið okkar inn í grasker heldur leyfa því að lýsa öðrum. Við erum ljósasól á fjalli í sambandi við orkubú veraldar. Prédikun Sigurðar Árna á allra heilagra messu, bæði texti og hljóðskrá, er að baki þessari smellu.

Í síðustu bók Biblíunnar segir: “Í hægri hendi hans, er í hásætinu sat, sá ég bók, skrifaða innan og utan, innsiglaða sjö innsiglum. Og ég sá sterkan engil, sem kallaði hárri röddu: ,,Hver er maklegur að ljúka upp bókinni og leysa innsigli hennar?” (Op. Jóh. 5.1-2) Opinberunarbók Jóhannesar er merkilegt og margrætt rit. Þýðing hennar og túlkun er ekki einhlít? Bækur eru margar í heimi Biblíunnar. Orðið biblia er grískt og í ft og þýðir einfaldlega bækur. Í því bókasafni er síðan rætt um alls konar bækur og mikilvægi þess að rita niður það sem máli skiptir. Þar er talað um lífsins bók og bók sannleika. Áfram…

Það er búið að narta í Apple-lógið. Eplið minnir okkur á Edensöguna. Mannfólkið vill vita meira, víkka út vitund, nýta möguleika. Svo lærum við að lífið er hverfult. Steve Jobs, ríki unglingurinn og Kazanzakis sáu margt, nutu margs og urðu að svara meginspurningum. Við erum í þeirra sporum líka. Standa eplabitarnir í okkur eða lærum við að njóta ávaxta lífsins – að vera? Að vera – eða að gera – hvort hentar betur til að öðlast lífshamingju og ná raunverulegum árangri í lífinu. Er kannski fleira í boði en epli, kannski heil ávaxtakarfa? Prédikun Sigurðar Árna 23. október 2011, bæði texti og hljóðskrá, er að baki smellunni.

Tvær myndir af Oddnýju Ólafsdóttur eru á sálmaskránni, önnur nýleg, en hin af henni ungri. Myndaalbúm fjölskyldu Oddnýjar sýna marga þætti í sögu hennar og veita innsýn. Svo átt þú líka í huga þér minningar og myndir – og ástvinir, ættmenni og vinir geyma í sínu hugskoti enn aðrar. Hver er mynd þín af Oddnýju? Er það mynd af hannyrðakonu við að prjóna perlusettar handstúkur? Er hún gáskafull til augna? Áfram…

Þegar allt er á floti í íbúðinni okkar og rafmagnið slær út hringjum við ekki í rafvirkjann! Vænlegra er að hafa samband við píparann. Það getur auðvitað verið tilefni til að hringja í sálfræðing ef við keyrum út í móa. En ef einhver er slasaður hringjum við í 112 – nú eða dráttarbíl ef bíllinn er bara fastur. Ef við erum gjaldþrota eða erum með fjármálin í graut ættum við ekki fyrst af öllu að rjúka út í búð til að kaupa happdrættismiða. Þegar allt er hrunið fara sumir í örvæntingu sinni og kaupa lottómiða og vona að kraftaverkið verði, peningarnir komi hrynjandi Áfram…

Kristnin hefur lagt áherslu á manngildið, en það gera múslimar líka. Friðarsókn og virðing fyrir lífinu er í grunni allra trúarbragða heimsins. Kristnir vilja ekki hryðjuverk og ofbeldi, en það vilja múslimarnir ekki heldur. 11. september 2011 voru tíu ár liðin frá voðaverkum í Bandaríkjum Norður Ameríku og í hugvekju messunnar þennan dag var íhugunarefnið kristni, Islam, samskipti fólks af ólíkri trú og lífsskoðunum. Samskipti fólks af ólíkri trú er mikilvægt efni og varðar ekki bara persónur heldur samfélög og heimsbyggðina miklu. Hugvekjuna má lesa og hlusta á að baki smellunni.

Marx, Nietsche og Freud kenna okkur tortryggni og Ricoeur endurheimt. Að skafa burtu kalkvistina er nauðsyn en þörf á að greina hið lífvænlega frá hinu dauða.

Jesús kennir okkur að tortryggja vitleysur en að sjá veröldina með ástaraugum Guðs. Við megum gjarnan læra af Jesú Kristi listina að sjá fólk og veröldina. Já, hvernig horfir þú á fólk – er það með mínus eða í plús?

Prédikun mín í Neskirkju 4. september er að baki þessari smellu. Græna tímabilið er hálfnað, sunnudagurinn var sá 11. eftir þrenningarhátíð.